I november 1974 får Werner Herzog ein telefon om at Lotte Eisner, den berømte filmhistorikaren, er alvorleg sjuk. Han bestemmer seg for å gå frå München til Paris, utstyrt berre med ein ryggsekk, eit kompass og ei notatbok. Han inngår ei pakt med seg sjølv: Om han klarer å gå heile vegen – ein 800 kilometer lang tur – så vil «Eisnerinna» overleve. Om å gå i frost er ei merkverdig lita bok om viljens makt og avmakt, og ikkje minst om den innsikta som berre kan stamme frå kroppen. Notata til Herzog skildrar landskapet, vandringa og hans eigne indre kampar.
Omsett frå tysk av Gunstein Bakke. Etterord av Mikaela Blomqvist.
*
Den tyske filmskaparen Werner Herzog (f. 1942) har laga nokre av verdas mest kjende dokumentar- og spelefilmar, og har mottatt ei lang rekke prisar og utmerkingar. Til verket hans høyrer også bokutgivingar og operaer. Med Om å gå i frost blir eit litterært verk av Herzog for første gong gitt ut på norsk.
