Bli med på bibliotekverdskongress i Kasakhstan. Toppleiinga i den internasjonale bibliotekføderasjonen IFLA svarar om demokratiske utfordringar. Møt også bibliotekprofessorar frå Russland som stiller seg fullt og heilt bak den russiske bibliotekforeninga si innlemming av bibliotek på okkupert land i Ukraina, og indonesiske bibliotekarar som nyttar nøytralitetsprinsippet til å bevara spor av skeive liv i eit land der LHBTQ+ framleis er tabu. Du kan lesa om norske bibliotek med lite eller ingen pengar til å kjøpa bøker, og om gaming som kunst i eit essay av den superpopulære youtubaren Jacob Geller. Helge Ridderstrøm skriv om den hatefulle hundreåringen «Mein Kampf». Og skal biblioteka ta stilling til folkemordet på Gaza? Dette blir grundig diskutert i ei rekke debattinnlegg.