Det er urolege tider, også i biblioteka. Denne utgåva set søkelys på det aukande problemet med unge som skapar sosial uro. I Vågsbygd braut ein gjeng seg inn i biblioteket på nattetid, i Ski opplevde fleire tilsette utrygge situasjonar og observerte det som truleg var omsetting av illegale rusmiddel. I Oslo møter dei liknande utfordringar med å tilsetta unge med lokal tilknyting. Elles har vi vore både i USA og Argentina, spurt leseforskarane Terje Hillesund og Marika Lüders om kva nye format for titting og skrolling gjer med oss, og intervjua avtroppande Aslak Sira Myhre om hans elleve år i nasjonalbibliotekarstolen.