Kva meiner vi når vi omtalar vekst, kor viktig er det eigentlig med økonomisk vekst, og finnes det vekst som ikkje er av det gode? I dette nummeret av Røyst vil vi sjå nærare på veksttematikken. Amerikansk økonomisk- og kulturell imperialisme har akselerert moderniseringa i heile verda og ein diskusjon rundt grensene for inngrep og forbruk av naturen er presserande. Det moderne velferdssamfunnet og den internasjonale marknaden fortset å vere uløyseleg knytt til vekst. Og veksten har kravd ei bruk av ressursar, og ei framandgjering av den menneskelege kultur ifrå naturen, som gjer at vi nærmar oss grensa for kva vår felles heim kan tåle.