Arkitekt Peter Helland-Hansen

399 kr

Arkitekt Peter Helland-Hansen (1917–1984) teikna tidlause einebustader og restaurerte våre vakraste kyrkjer, men sette endå større spor etter seg som kulturvernar med ulike verv i Fortidsminneforeningen. Han aksjonerte tidleg for vern av trehusmiljøa i Bergen, og hans kløkt og milde diplomati kom til nytte i vitaliseringa av Bryggen. Som rådgjevar bidrog han til vern og fornying i universitetsområdet på Nygårdshøyden.

Interessa for eldre byggeskikk låg i botn for alt han gjorde. Når han teikna nye hus, var han oppteken av samspelet med landskapet, når han restaurerte, var det viktig for han å gjera synleg korleis bygningen hadde utvikla seg.

Denne boka fortel historia om arkitekten, restaureringsarkitekten og vernaren Helland-Hansen. Som student og aktiv motstandsmann hamna han i tysk fangenskap, og han jobba som arkitekt under gjenreisinga i Finnmark før han i 1950 vende heim til Bergen og mange ulike oppdrag på Vestlandet. Men kvar sommar gjekk turen til Olden, til familien sin feriestad med sommarkontor for arkitekten i Jo-stova.

Vis mer Vis mindre

Emner

Bidragsytere

Eva Røyrane

1 på lager

Om utgiveren:

Skald forlag

Skald gir ut bøker innan sakprosa og skjønnlitteratur. Forlaget er også spesialisert på produksjon av oppdragsbøker, firmagåver, jubileumsbøker og skreddarsyr bøkene etter individuelle behov.

Målet vårt er å gi ut bøker med kvalitet i alle ledd – frå det skrivne ordet til materiale og innbinding. Bøkene våre skal vare.

Vi har sterkt fokus på design, taktilitet og materialitet, og samarbeider med Noregs fremste bokdesignarar. Mange av bøkene har blitt premierte under konkurransen Årets Vakreste Bøker som kvart år vert utdelt i regi av Grafill.

Skald AS vart skipa i 1991 av Jon Skjerdal og Lars Nes. Forlaget har hovudkontor i Gamlehotellet i Leikanger i Sogndal kommune.