Kjartan Slettemark: Kunsten å falle

449 kr

Kunstnaren Kjartan Slettemark (1932–2008) fekk ikkje oppleva denne frodige fotoboka som han sjølv var med på å planleggja. Han døydde året før boka vart lansert. Bileta er tekne av hans gode ven, fotografen Brita Olsson. Ho følgjer sunnfjordingen frå han gjorde svenske av seg på seksti-talet og heilt fram til 2008. Dette har resultert i eit fotodokumentarisk praktverk.

Slettemark voks opp på den isolerte vestlandsgarden Slettemark i Naustdal i Sogn og Fjordane. I 1959 flytte han til Stockholm og etablerte seg som kunstnar der. I 1967 møtte han fotografen Brita Olsson, og dette resulterte i livslang venskap der Olsson fotograferte mange hendingar i Slettemarks liv. Idun A. Husabø har sett tekstar til bildeforteljinga basert på intervju med m.a. Olsson, Slettemarks sambuar Karin Grönlund og broren Jakob Slettemark. Boka inneheld i tillegg ein kunstfagleg tekst om Kjartan Slettemark, skriven av den svenske kunstnaren og skribenten Susanna Slöör.

Vis mer Vis mindre

Emner

Bidragsytere

Idun A. Husabø Susanna Slöör

2 på lager

Om utgiveren:

Skald forlag

Skald gir ut bøker innan sakprosa og skjønnlitteratur. Forlaget er også spesialisert på produksjon av oppdragsbøker, firmagåver, jubileumsbøker og skreddarsyr bøkene etter individuelle behov.

Målet vårt er å gi ut bøker med kvalitet i alle ledd – frå det skrivne ordet til materiale og innbinding. Bøkene våre skal vare.

Vi har sterkt fokus på design, taktilitet og materialitet, og samarbeider med Noregs fremste bokdesignarar. Mange av bøkene har blitt premierte under konkurransen Årets Vakreste Bøker som kvart år vert utdelt i regi av Grafill.

Skald AS vart skipa i 1991 av Jon Skjerdal og Lars Nes. Forlaget har hovudkontor i Gamlehotellet i Leikanger i Sogndal kommune.