Heile Noreg mista ved årsskiftet gratis tilgangen til viktige nettressursar via Helsebiblioteket. Folkehelseinstituttet sitt mål var å spara 5–6 millionar. Resultatet er tap av nasjonal kunnskapsberedskap og minst 15 millionar i auka utgifter for norske bibliotek, dokumenterer vi i denne utgåva. Elles spør vi om nye bibliotekbygg blir bygd tilstrekkeleg berekraftige, ein doktorand, ein biblioteksjef og ein tidlegare NRK-redaktør har viktige innspel til debattar på bibliotek, du får eit forfattarmøte med poesidebutanten Golstan Kareemi. Vi ser også på trendar og tendensar i bøker frå utlandet som kjem på norsk for tida, og fortel om korleis tyske fagbibliotek den dag i dag nyt godt av nazistane sine plyndring av jødiske boksamlingar under andre verdskrig.