Tema for Prosa #6 2021 er Krigen etter krigen. Formuleringa viser til korleis etterkrigsoppgjeret og den følgjande kampen om historieskrivinga står i direkte forlenging av krigshendingane, samtidig som biletet vi har av krig, både generelt og av andre verdskrig spesielt, endrar seg etter kvart som nye kjelder blir presentert. Nummeret inneheld mellom anna eit essy der Guri Hjeltnes ser på krigsbøkene som er publisert i høve 75-årsjubileet og innlegg frå to av partane i Æresrettsdebatten: Jørn Øyrehagen Sunde og Tore Rem. I kritikkseksjonen finst meldingar av bøker som nærmar seg krig som fenomen frå ulike hald. I tillegg til krigstematikk byr nummeret også på eit essay av Håvard Friis Nilsen om Ari Behn og ei lettbeint spalte om menns formuleringskunst på Tinder, signert pseudonymet Merrabitt.